Dhjetëra fluturime të anuluara dhe të devijuara për shkak të mjegullave në dy ditët e fundit në Aeroportin e Shkupit

Për shkak të mjegullës së dendur në Shkup, dy ditët e fundit janë anuluar ose devijuar dhjetëra fluturime nga Aeroporti Ndërkombëtar i Shkupit, ndërsa disa kanë zbritur me vonesë më të madhe, transmeton Portalb.mk.

Dje është anuluar fluturimi i parë nga Malmo që është dashur të ulej pak pas mesnate, e më pas është ulur pasdite me tre orë vonesë, sipas të dhënave të arritjeve në aeroportin e Shkupit.

Në mbrëmje janë devijuar pesë fluturime për në Prishtinë, tre nga Gjermania dhe nga një nga Italia dhe Zvicra, si dhe janë anuluar fluturimet nga Stambolli dhe Bazeli.

Në mbrëmjen e 31 dhjetorit, të paktën tre fluturime u devijuan për në Prishtinë, kështu që të nesërmen në mëngjes avionët fluturuan prej andej për në Shkup për të marrë pasagjerë.

Mëngjesin e sotëm, fluturimi i parë nga Stambolli u ul me dy orë vonesë, si dhe fluturimi i dytë nga qyteti turk gjithashtu është planifikuar të aterojë me dy orë vonesë.

Sipas parashikimeve të motit, sot në luginën e Shkupit pritet mjegull, ndërsa nga nesër kthjellim dhe mot më i ngrohtë./Portalb.mk