Detaje rreth vdekjes së 55-vjeçarit që u godit nga rrufeja
03.6.2022 - 10:01
Një 55-vjeçar ka mbetur i vdekur gjatë ditës së djeshme si pasojë e një goditjes nga rrufeja.
Policia e Kosovës ka thënë se rasti ka ndodhur në fshatin Petrovë në Prizren, rreth orës 16:32. Ngjarja thuhet se ka ndodhur gjatë kohës sa viktima ishte duke e drejtuar traktorin.
Vdekjen e viktimës thuhet se e ka konstatuar ekipi mjekësor.
Tutje Policia ka njoftuar se si pasojë e shkëndijës së zjarrit, po ashtu, është djegur edhe ngarkesa që kishte në traktor.
Sipas raportit të Policisë, zjarrfikësit kanë dalë në vendin e ngjarjes dhe e kanë shuar zjarrin.
Po ashtu, është njoftuar se me vendim të prokurorit trupi i viktimës është dërguar për obduksion.
Prizren, rrufeja vret një 55-vjeçar