Ilustrim
Detaje për aksionin e Prokurorisë së Pejës gjatë të cilit u arrestuan dy të dyshuar për fajde
Një aksion i Prokurorisë së Pejës ka vënë në pranga një grua nën dyshimin se e njëjta ka kryer vepër penale të fajdesë.
Arrestimi i saj është bërë nga hetuesit policorë të Pejës në hapësirat e Stacionit të Autobusëve.
E dyshuara është arrestuar pasi po dyshohet se është përfshirë në aktivitete të fajdesë.
Arrestimi ka ndodhur pasi që viktima ka njoftuar Policinë lidhur me këtë.
Në aksionin e sotëm janë përdorur edhe para si masë e simulimit.
Pas arrestimit është bërë edhe bastisja në dy lokacione, ku janë siguruar si prova një fletore dhe disa fatura të pagesave të tjera.
E dyshuara është ndaluar nga prokurori i rastit për 48 orë.
Më vonë me urdhër të prokurorit ështe arrestuar edhe një i dyshuar tjetër lidhur me rastin.
Prokurori që ka udhëhequr aksionin e sotëm është Dorjan Juniku.
Ky aksion nuk ka të bëjë me rastin për të cilin raporton pak më parë KALLXO.com.