Ilustrim
Detaje nga rrahja e të miturës në Vushtrri, babai e vëllai arrestohen
21.1.2023 - 09:50
KALLXO.com raportoi për një rast të lëndimit të lehtë trupor në Vushtrri i cili është shënuar dy natë më parë në dosjet policore.
Babai e vëllai dyshohen se janë personat që ushtruan dhunë ndaj të miturës pasi kundërshtuan lidhjen e saj me një djalë.
Siç mëson KALLXO.com, prindi dhe vëllai i të miturës ishin kundër lidhjes së 17 vjeçares ndërsa kjo e fundit më pas kishte shkuar në polici për ta raportuar rastin.
Për këtë siç raportoi KALLXO.com është njoftuar edhe zyrtari i Qendrës për Punë Sociale dhe prokurori i shtetit.
Pas intervistimit dy të arrestuarit babë e bir janë liruar në procedurë të rregullt.
E mitura është vendosur në strehimore.