Dërgohet në mbajte i dyshuari për fajde në Pejë

Aksion policor, bastisje e arrestim pati mëngjesin e sotëm në Komunën e Pejës.

Një person i cili po dyshohet se ka kryer veprën penale fajde, është arrestuar ndërsa KALLXO.com mëson se është bastisur edhe shtëpia e të njëjtit.

Në lidhje me rastin KALLXO.com ka kontaktuar edhe me zëdhënësin e Prokurorisë në Pejë, Shkodran Nikçi.

“Në lidhje me rastin ju njoftojmë se është ndaluar një person i dyshuar për veprën penale fajde dhe i njëjti është dërguar në ndalim 48 orësh, janë duke u ndërmarrë të gjitha veprimet e nevojshme në lidhje me veprën penale të lartëcekur”, tha Nikçi.

KALLXO.com raportoi në lidhje me rastin gjatë ditës së sotme. Aksioni u zhvillua orët e hershme të mëngjesit.

Aksion policor në Pejë, ka të arrestuar