Deputetja Kadriaj- Kurtit: Paske aftësi me bë humor dhe spektakël, ju ftoj të shkoni në ‘Big Brother’

Deputetja e Aleancës për Ardhmërinë e Kosovës (AAK), Time Kadriaj ka kritikuar kryeministrin Albin Kurti, se adresimi i tij para qytetarëve dhe deputetëve sipas saj, nuk ishte serioz, teksa kishte folur për çështjen e Asoacionit.

Kadriaj tha se ajo se çka ka bërë Kurti sot ishte “spektakël e humor” dhe ka ftuar Kurtin që të shkojë në spektaklin “Big Brother”.

“Ajo çka bëri sot z. Kurti ishte një spektakël dhe humor, duke u tallur edhe me deputetët edhe me qytetarët. Andaj z. Kurti duke e parë që paske aftësi me bë spektakël dhe humor ju kisha ftu me shku në Big Brother”- u shpreh Kadriaj.

Kryeministri i Kosovës, Albin Kurti, në seancën e Kuvendit ka treguar gjashtë kushtet me të cilat Kosova mund ta konsiderojë formimin e Asociacionit të komunave me shumicë serbe.

Gjashtë kushtet e përmenduara nga Kurti:

Duhet të jetë në përputhje me Kushtetutën dhe ligjet në fuqi.
Asociacioni nuk mund të jetë njëetnik, duhet të ndërrojë emrin, nuk mund të ketë bord dhe duhet t’i shërbejë vetëm bashkëpunimit horizontal të komunave sipas Ligjit për vetëqeverise lokale.
Të drejtat e pakicave kombëtare dhe mekanizmat mbrojtës përkatës duhet ta ngërthejnë parimit e reciprocitetit ndërmjet dy shteteve respektive.
Para vendosjes së Asociacionit, strukturat ilegale në veri shuhen dhe bëhet dorëzimi i të gjitha armëve ilegale.
Asociacioni është pjesë e marrëveshjes finale dhe zbatohet pas njohjes reciproke.
Presidenti i Serbisë i tërheq letrat e dërguara te pesë shtetet për mospranimin e Republikës së Kosovës për në BE.