Deputetja e PDK-së: LDK dhe LVV e kanë bllokuar Kosovën

Deputetja e PDK-së Besa Ismaili i akuzoi  LDK-në dhe LVV-në për bllokim të vendit. Sipas saj, bllokimi po bëhet për shkak të  lojës politike të këtyre dy subjekteve.

Ismaili ka kërkuar edhe drejtësi për vdekjen e 26 vjeçarit e cila ndodhi brenda qendrës për karantinim në kohën e  qeverisjes Kurti.

“Nga kjo foltore kerkoj drejtësi për Agonin. E përgjegjësia kryesore bie mbi qeverisjen e atëhershme që e zvarritën procesin dhe një pjesë e saj i takon edhe qeverisjes së tanishme e cila që nga marrja e detyrës nuk e ka ndërmarrë asnjë hap”, tha ajo.

Ismaili pati  dy thirrje për dy partitë.

“Ju bëj thirrje deputetëve të LDK-së që të mbështesin ligjin anti- covid sikurse që ju bëj thirrje  deputetëve të LVV-së që të votojnë marrëveshjet ndërkombëtare. Kjo lojë politike po e bllokon Kosovën dhe përgjegjësia bie mbi dy partitë”, tha ajo.