Deputetja e AKR-së propozon rezolutë për unitet politik e qytetar në mbrojtje të vlerave të popullit
09.7.2020 - 16:08
Deputetja nga radhët e AKR-së, Mirlinda Sopi Krasniqi, në seancën e Kuvendit ka propozuar që në rend të ditës të futet edhe një draft-rezolutë për unitetin politik e qytetar në mbrojtje te vlerave të popullit të Kosovës.
“Konsideroj që shyqrtimi i kësaj draft-rezolute ështrë i natyrës urgjente, prandaj dhe përfshirja e saj në rend ditë eshtë po ashtu e domosdoshme”, tha deputetja.
Me 82 vota për të deputetëve, kjo draft-rezolutë ka hyrë në rend të ditës së seancës së sotme, kurse Kuvendi shkoi në pauzë deri në ora 16:00.
Rezoluta e propozuar nga deputetja ka këto 10 pika:
- Kuvendi i Republikës së kosovës rithekson faktin se në Kosovë shteti serb ka kryer spastrim etnik duke dëbuar në mënyrë të organizuar rreth 1 milion qytetarë, ka vrarë mbi 12 mijë civile, në mesin e të cilëve mbi 1 mijë e 300 fëmijë, ka kryer më shumë se 400 masakra, ka dhunuar rreth 20 mijë gra dhe vajza, si dhe ka shkatërruar pasurinë e qytetarëve, monumentet kulturore, fetare, historike e infrastrukturore të Kosovës
- Kuvendi kërkon që domosdoshërisht të gjendet zgjidhje sa më e shpejt e cështjes së të pagjeturve të cilët janë zhdukur si rezultat i veprimeve agresore të shtetit serb ndaj popullit të Kosovës
- Kuvendi ia rikujton bashkësisë ndërkombëtare përpjekjen 20 vjecare për të vendosur drejtësi ndaj veprimeve të shtetit serb në Kosovë, si dhe qasjen e vazhdueshme refuzuese të Republikës së Serbisë ndaj këtyre kërkesave. Kuvendi ripërsërit thirrjen për drejtësi të plotë dhe vendosje të drejtësisë për të gjitha viktimat e krimit të shtetit serb ndaj popullit të Kosovës. Heshtja ndaj këtyre krimeve në Kosovë, kuptohet si amnisti dhe tolerim ndaj krimeve të Serbisë të kryera në Kosovë
- Kuvendi rikujton qasjen selektimeve ndaj krimeve të shtetit serb në Kosovë, duke mbrojtur agresorin dhe duke gjykuar viktimat si dhe sjell në vëmendje rastet e inskenuara të Serbisë ndaj shtetasve të Kosovës sic është rasti i njohur si Panda dhe shumë raste të tjera të ngjajshme
- Republika e Kosovës në avzhdimësi ka qenë e gatshme për ta vërtetuar drejttësinë e luftës mbrojtëse të UCK-së dhe është edhe sot e gatshme ta bëjë të njëjtën gjë me Dhomat e Specializuara. Pastëria e luftës së UCK-së është vërtetuar disa herë
- Republika e Kosovës është shtet i dnërtuar mbi sakrifiën e popullit të Kosovës, të drejtën e saj legjitime për pavarësi dhe vetëvendosje, rezistencë paqësore, luftën e drejtë të UCK-së, vullnetin dhe ndihmën e bashkësisë ndërkombëtare për ndërtimin e shtetit, bazuar në të drejtën ndërkombëtare të vërtetuar dhe sipas vendimit të GJND-së
- Përkundër agresionit serb, qasja jo bashkëpunuese e Serbisë dhe dëmet njerëzore e materiale të republikë ssë Kosovës të shkaktuara nga shteti serb, Republika e Kosovës ka treguar vazhdimish gatishmëri dhe bashkëpunim me qëllim të vendosjes së paqes, stabilitetit dhe fqinjësisë së mirë.
- Kuvendi i Kosovës respekton Dhomat e Specializuara dhe kërkon që puna e tyre të bazohet në respektimin eligjeve të Kosovës dhe rregullave ndërkombëtare të funskionimit të saj dhe që këto dhoma të jenë të paanshme në trajtimin e të gjitha lëndëve
- Kuvendi i Kosovës shpreh shqetësim për shkeljet e mundshme procedurale të bëra me rastin e publikimit të aktakuzës të emrave përkitazi me propozim-aktakuzën e pakonfirmuar ndaj pjesëtarëve të UCK-së
- Kuvendi i Kosovës e sheh të domosdoshëm unitetin politik për të mbrojtur luftën clirimtare të UCK-së dhe popullit të Kosovës duke theksuar faktin se Kosova edhe sot përbalet me Serbinë. Ky unitet politik e qytetar që ka për synim vendosjen e drejtësisë në pajtim me rendin kushtetues të Kosovës, rikonfirmon përkushtimin dhe bashkëpunimin dhe miqësinë epaanshme me SHBA-të BE-në NATON-n si dhe përkushtimin për fqinjësi të mirë.