Deputeti zviceran: Ditë e trishtë për gjeneratën e re të Kosovës
Deputeti Zviceran, Cédric Wermuth, gjithashtu zëvendës President i Partisë Socialdemokrate të Zvicrës përmes një publikimi në Twitter ka shprehur indinjatën rreth zgjedhjes së qeverisë së re, të udhëhequr nga Avdullah Hoti.
Wermuth ka shkruar se dita e sotme është një ditë e trishtë për gjeneratën e re të Kosovës, ndërsa ka bërë thirrje që të rinjtë të mos e humbasin shpresën.
“Kjo është një ditë e trishtë për Kosovën dhe gjeneratën e saj të re. Ju lutemi mos humbni shpresën. Historia është në anën tuaj. Ne, njerëzit e Evropës, jemi në anën tuaj. Ne jemi në këtë së bashku:, ka shkruar Wermuth.
This is a sad day for #Kosovo and its young generation. Please don’t lose hope. History is on your side. We, the people of Europe, are on your side. We are in this together. pic.twitter.com/qCNpyVwAcO
— Cédric Wermuth – Home Office (@cedricwermuth) June 3, 2020
Deputetët e Kuvendit të Kosovës kanë votuar sot qeverinë e re të vendit të koalicionit LDK-AAK-NISMA-Lista Serbe, të drejtuar nga Avdullah Hoti.
Për qeverinë e re kanë votuar 61 deputetë, 24 ishin kundër dhe 1 abstenoi. Në votim morën pjesë 86 deputetë.
Qeveria e Avdullah Hotit ka këtë përbërje:
Avdullah Hoti – Kryeminstër i Kosovës
Besnik Tahiri – Zëvendëskryeminstër i parë
Driton Selmanaj – Zëvendëskryeminstër
Albulena Balaj Halimi – Zëvëndëskryeminstre
Goran Rakiq – Zëvendëskryeminsitër dhe Ministër i Pushtetit Lokal
Hykmete Bajrami – Ministre e Financave
Besian Mustafa – Ministër i Bujqësisë
Vlora Dumoshi -Ministre e Kulturës, Rinisë dhe Sportit
Anton Quni – Ministër i Mbrojtjes
Agim Veliu – Ministër i Punëve të Brendshme
Arban Abrashi – Ministër i Infrastrukturës
Armend Zemaj – Ministër i Shëndetësisë
Selim Selimi – Ministër i Drejtësisë
Blerim Kuqi – Ministër i Ekonomisë dhe Ambientit
Meliza Haradinaj Stublla – Ministre e Punëve të Jashtme dhe Diasporës
Ramë Likaj – Ministër i Arsimit dhe Shkencës
Skender Reçica – Ministër i Punës dhe Mirëqenies Sociale
Vesel Krasniqi – Ministër i Tregtisë dhe Industrisë
Dalibor Jevtiq – Ministër për Kthim dhe Komunitete
Enes Kervan – Ministër i Zhvillimit Rajonal