Bekim Haxhiu - PDK
Deputeti i PDK-së kërkon që të bëhen publik emrat e të testuarve dhe infektuarve me coronavirus
Deputeti Bekim Haxhiu nga PDK-ja prezantoi disa rekomandime që sipas tij duhet të votohen nga Qeveria e Kosovës, për shkak të situatës me pandeminë.
Mes tjerash, ai tha që Instituti i Shëndetit Publik të Kosovës duhet të autorizohet që t’i publikojë emrat e personave që janë testuar dhe që kanë rezultuar pozitivë me coronavirus.
“Të votohet ligji anti-Covid, urgjentisht qeveria që me vendim të rritë paga e profesionstëve shëndetësorë, Ministria e Shëndetësisë të punësojë edhe së paku edhe 1 mijë e 500 punonjës shëndetësor, decentralizim të testimeve, të licencohen sektori privat për teste të covid-19 dhe të autorizohet Instituti që të bëjë publike emrat e personave që janë testuar dhe atyre që kanë rezultuar pozitiv”, tha ai.
“Transparenca në këtë drejtim është interes publik sot dhe mundësi e ndjekjes penale për personat të cilët me test pozitiv me COVID-19 shkelin kriteret e izolimit dhe masat mbrojtëse”, shtoi deputeti.
Paralajmërimi i kryeministrit Avdullah Hoti për shqyrtimin e mundësisë që “ t’i bëjnë të ditura” rastet e infektimit me COVID-19, ngjalli reagime në opinion në mbrojten e të drejtave të njeriut.
Megjithatë, zyrtarë të qeverisë janë zotuar se identiteti i të infektuarve me coronavirus në Kosovë assesi nuk do të bëhet publik.
A do të zbulohet identiteti i të infektuarve me COVID-19 në Kosovë?