Dënim me burg për sulm ndaj policit
Gjykata e Pejës e ka shpallur fajtor Fadil Shalën i cili akuzohet për sulm ndaj personit zyrtar-policit.
Aktakuza thotë se Fadil Shala se në vitin 2014 ka sulmuar policin Alen Avdiq, i cili ishte duke kryer detyrën zyrtare.
Ndaj tij është shqiptuar dënim me burgim prej 3 muajsh i cila me pëlqimin e tij mund të zëvendësohet me gjobë në shumë prej 900 eurove.
Paraprakisht i akuzuari e pranoi fajësinë për veprën për të cilën akuzohet.
Me pranim të fajësisë u pajtuan prokurorja e rastit, Suada Hamza, mbrojtësi i të akuzuarit, avokati Binak Cena dhe gjyqtarja Violeta Husaj Rugova e aprovoi pranimin e fajësisë.
Sipas dosjes së prokurorisë Shala, pasi ndalohet nga njësiti patrullues nuk i bindet urdhrit për dorëzim të dokumentit të identifikimit, aty i akuzuari fillon të fotografojë policët në detyrë dhe sulmon policin Avdiq.
Aktakuza sqaron se i akuzuari tentoi të ikë, por me përdorimit të sprejit arrestohet nga Policia.