Del në shëtit i infektuar me COVID19, policia hap rast për të dyshuarin
07.5.2021 - 22:16
Ndaj një personi nga Komuna e Gllogocit, është hapu rast në polici për mos respektim të masave të izolimit pasi ishte diagnostikuar me COVID-19.
Policia ka njoftuar se kishin marrë informacion se një person nuk po i përmbahej rekomandimeve të Instituti Kombëtar të Shëndetit Publik për vetizolim.
I dyshuari mendohej se që nga data 30 prill të muajit të kaluar kishte rezultuar pozitiv me COVID-19 ndërsa dje i njëjti po thyente rregullat e izolimit.
Në lidhje me rastin, Policia ka njoftuar prokurorinë e cila ka marrë vendim që rasti i të dyshuarit të dërgohet në procedurë të rregullt.