Daka: Serialet nuk duhet të përfshihen në Ligjin e kinematografisë
14.3.2022 - 23:08
Aktori dhe regjisori Luan Daka tha gjatë emisionit “Kallxo Përnime” se audio-vizuelja, ku hynë edhe serialet televizive, nuk duhet përfshihet në Ligjin e kinematografisë.
Gjatë këtij debati u tha se në drafligjin e anuluar ishte përfshirë edhe financimi i veprave audio- vizuele.
Daka tha se serialet duhet të xhirohen nga televizionet.
“Televizioni duhet t’i financojë seriale, veprat audio- vizuele nuk duhet të përfshihen në Ligjin për kinematografin՝”, tha ai.
Gjatë emisionit “Kallxo Përnime” është duke u diskutuar për QKK-në por edhe për Projektligjin për kinematografinë.