Avdullah Hoti - Foto: ZKM
COVID-19, Këshilli i Sigurisë vendos për masa rigoroze, nuk e përjashton shpalljen e gjendjes së jashtëzakonshme
Kryeministri Avdullah Hoti në një konferencë për medie pas mbledhjes së Këshillit të Sigurisë janë pajtuar për marrjen e masave shtesë për të parandaluar përhapjen e pandemisë së COVID-19.
Ai tha se kanë diskutuar për dy opsione: Marrja e masave shtesë dhe rigoroze dhe shpallja e gjendjes së jashtëzakonshme.
“Sapo përfunduam mbledhjen e Këshillit të Sigurisë së Kosovës, ku ka një pajtueshmëri të përgjithshme të zbatojmë skenarin e parë për masa rigoroze dhe masa shtesë, duke mos përjashtuar skenarin e dytë për shpalljen e gjendjes së jashtëzakonshme”, ka thënë Hoti.
Hoti tha se masat shtesë për të parandaluar përhapjen e sëmundjes COVID-19 do të prezantohen në mbledhjen e sotme të Qeverisë.
“Nuk do të ketë asnjë lloj tolerance ndaj shkelësve të masave të vendosura nga Qeveria”, shtoi ai.
KALLXO.com transmetoi live konferencën e kryeministrit Avdullah Hoti.
Kryeministri Avdullah Hoti mban konferencë për media
Kryeministri Avdullah Hoti mban konferencë për media
Publiée par Kallxo.com sur Dimanche 12 juillet 2020