COVID-19, 45 pacientë në QKUK në gjendje kritike
Shërbimi Spitalor Klinik Universitar i Kosovës ka njoftuar se 45 pacientë me COVID-19 janë në gjendje të rëndë, 389 janë duke u asistuar me oksigjeno – terapi.
Trajtim mjekësorë janë duke marrë 630 pacientë, ku 480 prej tyre janë të konfirmuar pozitiv me coronavirus.
Në Klinika ku po trajtohen pacientët e infektuar me COVID-19 në QKUK, bëhet e ditur se 271 pacientë janë të shtrirë per tretman mjekësorë, 237 janë me COVID-19 ndërsa 173 janë me oksigjeno -terapi.
Tutje në raport thuhet se në spitalet rajonale janë të shtrir 359 pacientë, 243 prej tyre janë pozitiv me coronavirus dhe 225 janë me oksigjeno – terapi.
Sot në Kosovë janë regjistruar edhe 190 raste të reja me COVID-19 ndërsa janë shëruar 197 të tjerë, brenda 24 orëve kanë vdekur 12 pacientë si pasoj e infeksionit me SARS-CoV-2.
Numri i të infektuarve me COVID-19 në Kosovë ka kaluar shifrën mbi 10 mijë.
10,059 raste pozitive me COVID-19, janë shëruar 5,677 të tjerë, kanë vdekur 315.
