Foto: Hashim Thaçi/Facebook
Çitaku: Presidenti më kërkoi ta vazhdoj punën, por unë e respektoj kërkesën e Qeverisë
Ambasadorja e Kosovës në Shtetet e Bashkuara të Amerikës, Vlora Çitaku, ka thënë se ndonëse presidenti Hashim Thaçi i ka kërkuar që të vazhdoj të jetë ambasadore, ajo do ta respektojë vendimin e Qeverisë që ka kërkuar shkarkimin e saj nga detyra.
“Megjithëse Presidenti ka autorizim ekskluziv mbi këtë vendim dhe më ka kërkuar që të vazhdoj të shërbej në cilësinë time aktuale, unë do të respektoj kërkesën e Qeverisë. Nuk mundem që me vetëdije të vazhdoj të shërbej pa mbështetjen e plotë të të gjitha institucioneve të vendit tim”, u shpreh Çitaku në një publikim në Twitter.
Ministri i Punëve të Jashtme dhe Diasporës, Glauk Konjufca, të martën ka propozuar tërheqjen nga misionet diplomatike të shtatë ambasadorëve dhe konsujve të Kosovës, përfshirë ambasadoren Çitaku.
Though the President has exclusive authority over this decision and has asked me to continue serving in my current capacity, I will respect the request of the Government.
I cannot in good conscience continue to serve without the full support of all the institutions of my country
— Vlora Çitaku (@vloracitaku) March 4, 2020
Nga zëdhënëse e PDK-së në Ambasadore në SHBA, rrugëtimi i Vlora Çitakut