Cilësia e ajrit sot në Kosovë, datë 10.04.2021, Foto: Instituti Hidrometorologjik i Kosovës
Cilësia e ajrit sot në qytetet e Kosovës
Në shumicën e qyteteve të Kosovës cilësia e ajrit sot është mesatare.
Të dhënat e Rrjetit shtetëror të monitorimit të cilësisë së ajrit në Institutin Hidrometeorologjik të Kosovës tregojnë se cilësia e ajrit është e mesatar në Drenas, Han të Elezit, Mitrovicë, Obiliq, Pejë, një pjesë në Prishtinë e Prizren.
Ndërsa në një pjesë të Prishtinës, në Gjilan e fshatin Dardhishtë raportohet të ketë ajër të dobët.
Ajër i mirë është raportuar vetëm në fshatin Palaj.
Instituti Hidrometeorologjik i Kosovës (IHMK) bën monitorimin e cilësisë së ajrit në tërë territorin e Republikës së Kosovës, përmes Rrjetit Shtetëror për Monitorimin e Cilësisë së Ajrit. Ky rrjet është i përbërë nga 12 stacione automatike fikse dhe një stacion automatik mobil.
Shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë dhe ligjeve vendore.
Bazuar në kriteret e lartpërmendura stacionet janë shpërndarë në 9 (nëntë) komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Shtërpcë (Brezovicë), Hani i Elezit dhe Gjilan.
Projekti “Përdorimi i mediave për të rritur vetëdijen lidhur me shkaktarët kryesorë të ndotjes së ajrit në Kosovë” është pjesë e “Dig Data Challenge” e mbështetur nga Millennium Foundation Kosovo (MFK) dhe Millennium Challenge Corporation (MCC), si pjesë e Dig Data Challenge për të dhënat mbi cilësinë e ajrit. Projekti implementohet nga Interneës Kosova.