Derek Chollet - Foto: ZKM
Chollet i kërkon Kurtit ta pranojë propozimin evropian
Këshilltari i lartë i Departamentit amerikan të Shtetit, Derek Chollet, ka diskutuar sot me kryeministrin e Kosovës, Albin Kurti, për propozimin evropian për normalizimin e marrëdhënieve Kosovë-Serbi.
Chollet ka thënë se ka kërkuar nga kryeministri Kurti që ta pranojë propozimin evropian.
“Fola sot me kryeministrin Albin Kurti ku diskutova për propozimin e BE-së për normalizimin e marrëdhënieve me Serbinë dhe për t’i kërkuar Kosovës ta pranojë atë. Një çështje kyçe ishte bashkëpunimi ynë dhe synimi i përbashkët në avancimin e Kosovës drejt integrimit evropian dhe euroatlantik”, ka shkruar Chollet në Twitter.
Spoke with PM @albinkurti today to discuss the EU proposal on normalization of relations with Serbia and to urge Kosovo to accept it. A key theme was our partnership and shared goal of advancing Kosovo’s European & Euro-Atlantic integration.
— Derek Chollet (@CounselorDOS) January 24, 2023
Në tetor të vitit 2022, dialogut Kosovë-Serbi iu shtua edhe një propozim i ri, ai franko-gjerman, i cili ditëve të fundit ka filluar të quhet edhe propozimi i Bashkimit Evropian.
Përmbajtja e planit franko-gjerman është duke u mbajtur e fshehtë nga autoritetet kosovare dhe ato të Bashkimit Evropian, si ndërmjetësues të dialogut Kosovë-Serbi.