Foto: Ilustrim
Çeku i arrestuar në Kosovë kërkohej për mashtrim me miliona euro në shtetin e tij
Policia kishte njoftuar se i arrestuari M.J, 54 vjeçar, i cili u arrestua në Kosovë, ishte dënuar nga autoritetet e Çekisë me gjashtë vjet burg për mashtrim.
KALLXO.com nga burime brenda policisë ka mësuar se i dyshuari dyshohet për mashtrim në vlera milionëshe të parave.
Policia me 5 dhjetor ka njoftuar se arrestimi i shtetasit Çek është arritur pas një bashkëpunimi nga autoritetet kompetente nga Policia e Kosovës, përmes njësitit për persona të arratisur FAST Kosova.
Policia e Kosovës kishte njoftuar se këtë aksion e ka kryer në vazhdën e angazhimeve ligjore për parandalimin dhe luftimin e veprave penale përfshirë dhe luftimin e kriminalitetit që kalon kufijtë shtetërorë, në veçanti identifikimin dhe arrestimin e personave të dyshuar që provojnë t’i ikin drejtësisë, përfshirë edhe drejtësinë ndërkombëtare.
Njësiti FAST Kosova është themeluar në Policinë e Kosovës që nga viti 2016, dhe është njësit i cili merret me arrestimin e personave të kërkuar.
Policia e Kosovës arreston një shtetas të huaj, i kërkuar me urdhër-arrest ndërkombëtar