Çekia me më së shumti raste me coronavirus qysh në mars
Republika e Çekisë raportoi të martën 7,591 raste të reja me coronavirus – shifra më e lartë ditore qysh në muajin mars.
Në ditën e njëjtë të javës së kaluar u raportuan 4,277 raste të reja.
Sipas Ministrisë çeke të Shëndetësisë, në 24 orët e fundit u konfirmuan edhe 32 viktima.
Në total, Çekia ka regjistruar mbi 1.7 milion raste të të infektuarve me coronavirus dhe 30,807 viktima.
Aktualisht, në spitale janë mbi 1,800 pacientë me coronavirus – 284 nga ta në kujdes intensiv.
Çekia ka rreth 10.7 milionë banorë. Mbi 6 milionë prej tyre janë plotësisht të vaksinuar.
Nga fundi i tetorit, ky vend ka nisur me zbatimin e masave të reja kundër coronavirusit, të cilat përfshijnë veshjen e maskave në të gjitha ambientet e mbyllura, përfshirë vendet e punës./REL