Bukë, qumësht, djathë, vaj ushqimor, fasule, kafe e sheqer – këto janë çmimet aktuale në Kosovë

Bukë, mish, qumësht, djathë, vaj ushqimor, fasule, kafe e sheqer janë disa nga artikujt bazë që qytetarët i konsumojnë në baza ditore.

Agjencia e Statistikave të Kosovës (ASK) me anë të një raporti tregon se si janë çmimet mesatare ditore të artikujve bazë, shkruan Telegrafi.

Nga 28 marsi deri me 3 prill, ndryshime në çmim ka pasur orizi, nga 1.19 sa ishte gjatë së hënës së kaluar, në 1.05 euro gjatë ditës së djeshme.

Ndryshime të çmimeve ka pasur në derivate, ku një litër naftë dizell javën e kaluar është tregtuar me 1.58 euro, kurse më 3 prill ka arritur në 1.62 euro.

Dallime të vogla në çmim, gjatë këtyre ditëve ka pasur edhe në sheqer, kafe, mishi i bardhë zogu, vaj ushqimor, çaj dhe benzin. /Telegrafi/