Britania e Madhe autorizon vaksinën anti-COVID

Britania e Madhe është bërë vendi i parë në botë që ka aprovuar vaksinën anti-COVID nga Pfizer/BioNTech për përdorim të gjerë, raporton BBC.

Rregullatori britanik, MHRA, tha se vaksina e cila ofron 95% mbrojtje ndaj COVID-19 mund të ofrohet për përdorim qysh javën e ardhshme.

Imunizimi mund të fillojë Brenda pak ditëve për njerëzit në grupe të prioritetit të lartë.

Britania e madhe tashmë ka porositur 40 milionë doza të cilat mjaftojnë për vaksinimin e 20 milionë njerëzve pasi që secilit person i duhen dy doza.

Rreth 10 milionë doza mund të jenë të gatshme së shpejti ndërsa dozat e para do të arrijnë në Britani të Madhe brenda pak ditëve.