Brenda një jave, 38 të arrestuar nga policia rajonale e Ferizajt

Në Policinë Rajonale të Ferizajt, javën që shkoi, përkatësisht nga data 14.10.2024 deri më 20.10.2024, janë raportuar disa raste të vjedhjeve dhe dhunës në familje, ndërkohë që janë arrestuar disa persona të kërkuar me urdhëresa të gjykatave. 

Sipas njoftimit të Policisë, gjashtë raste të vjedhjeve kanë ndodhur në Ferizaj, ndërsa një në Shtërpcë.

Ndërkaq, si raste të dhunës në familje janë raportuar tri. Prej tyre, një rast ka ndodhur në Ferizaj, një në Shtërpcë dhe një në Han të Elezit. 

“Me vendim të prokurorit të shtetit një person pasi është intërvistuar nga policët hetues të dhunës në familje është ndaluar në mbajtje, kurse dy persona të tjerë janë liruar për procedurë të rregullt hetimore” – thuhet në njoftimin e Policisë, më 22.10.2024.

Policia njofton se në rajonin e Ferizajt janë arrestuar 38 persona të kërkuar me urdhëresa të gjykatave për vepra të ndryshme penale.