Borrell deklarohet për zgjedhjet presidenciale në ShBA
Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, është deklaruar rreth mbajtjes së zgjedhjeve presidenciale në Shtetet e Bashkuara të Amerikës.
Borrell ka thënë se BE-ja është e gatshme të vazhdojë ndërtojë partneritet të fuqishëm transatlantik.
“Populli amerikan ka folur. Përderisa po presim për rezultatin zgjedhor, BE-ja është e gatshme për të vazhduar ndërtimin e partneritetit të fuqishëm transatlantik, të bazuar në histori dhe vlerat tonë të përbashkëta”, ka shkruar ai në Twitter.
The American people have spoken. While we wait for the election result, the EU remains ready to continue building a strong transatlantic partnership, based on our shared values and history.
— Josep Borrell Fontelles (@JosepBorrellF) November 4, 2020
Populli amerikan më 3 nëntor ka votuar për të zgjedhur presidentin e ardhshëm, në garën mes demokratit Joe Biden dhe republikanit, Donald Trump.
Gara mes dy kandidatëve është tejet e ngushtë, përderisa asnjëri prej tyre deri më tani nuk ka arritur të sigurojë fitore bindëse.
Numrimi i i votave për zgjedhjet presidenciale në ShBA është duke vazhduar.
