Borrell: BE dënon shpërfilljen e hapur të Rusisë për jetën e civilëve
Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell, ka dënuar sulmin rus mbi një shkolle në Bilohorivka, rajoni i Luhansk, në Ukrainë.
Borrell përmes një postimi në Twitter ka thënë se Bashkimi Evropian mbështet përpjeket që autorët e këtij sulmi të sillen para drejtësisë.
“I tmerruar nga sulmi ajror rus në një ndërtesë shkolle në Bilohorivka, rajoni i Luhansk, me shumë fëmijë të vrarë. BE dënon shpërfilljen e hapur të Rusisë për jetën e civilëve dhe do të mbështesë përpjekjet për të sjellë autorët para drejtësisë”, ka shkruar ai.
Appalled at the Russian airstrike on a school building in #Bilohorivka, Luhansk region, with reportedly many children killed.
The EU condemns Russia’s blatant disregard for civilian life and will support efforts to bring the perpetrators to justice.
— Josep Borrell Fontelles (@JosepBorrellF) May 8, 2022
Dhjetëra persona dyshohet se kanë vdekur pasi një bombë goditi një shkollë në lindje të Ukrainës, ku forcat qeveritare po luftojnë me trupat ruse dhe separatistët e mbështetur nga Rusia.
Guvernatori i rajonit të Luhanskut, Serhiy Gaidai, konfirmoi dy vdekje, duke thënë se 60 persona dyshohet se kanë vdekur nën rrënojat e shkollës në Bilohorivka.
Rreth 90 njerëz ishin strehuar në ndërtesë dhe 30 u shpëtuan, shtatë prej tyre u plagosën, shtoi ai.
Ukrainë: Bomba godet shkollën, dyshohet për dhjetëra të vdekur
