Bordi i përkohshëm i 'Infrakos"-it injoron thirrjet e Ministrisë, hap konkurs edhe për sekretar
Pas zgjedhjes së kryeshefit ekzektutiv përkundër thirrjes së Ministrisë së Ekonomisë, bordi i përkohshëm i ndërmarrjes publike “Infrakos” ka hapur edhe një konkurs.
Ky bord ka hapur konkurs për pozitën e sekretarit të korporatës.
Njoftimi është i publikuar në faqen zyrtare të kësaj ndërmarrjeje.
Konkursi është i hapur deri më 25 mars 2021.
Qe nga korriku i vitit të kaluar, Ministria e Ekonomisë në vazhdimësi ka kërkuar nga ndërmarrjet publike që të pezullojnë konkurset për pozita të larta menaxheriale.
Siç arsyetonte Ministria asokohe e udhëhequr nga Blerim Kuçi, pozitat e larta duhet të zgjidhen nga bordet e rregullta dhe jo nga ata përkohshme.
Por këto thirrje të aksionarit, bordi i përkohshëm në krye me Brahim Selimaj i ka injoruar.
Sot, ndaj këtyre procedurave ka reaguar edhe ministri në detyrë, Muharrem Nitaj.
Ndaj këtyre proceseve ka reaguar dje edhe Ambasada e Britanisë në Kosovë.
Bordi i përkohshëm shpërfillë Ministrinë, zgjedh kryeshefin në Infrakos