Seanca e Kuvendit më 4 qershor 2020, FOTO: Kuvendi i Kosovës
Blerim Kuçi nesër në interpelancë për dhënien e lejes për prodhimin e energjisë me dy hidrocentrale
Kuvendi i Kosovës nesër do të mbajë seancë plenare me gjithsej 17 pika të rendit të ditës, nga ora 10:00.
Në këtë seancë, ministri i Ekonomisë dhe Ambientit, Blerim Kuçi do të mbajë interpelancë në lidhje me dhënien e licencave afatgjate (40 vjet) për prodhimin e energjisë elektrike ndërmarrjes “KELKOS ENERGY” sh.p.k për HC “Deçani” dhe HC “Belaja”.
Sipas njoftimit, po ashtu do të shqyrtohen statuti i disa Universiteteve të Kosovës.
Gjithashtu, do të bëhet emërimi i Kryesuesit dhe anëtarëve të Komisionit të Auditimit të NP KOSTT, zgjedhja e Kryesuesit të Komisionit Shqyrtues në Autoritetin Rregullator për Shërbimet e Ujit, dhe zgjedhja e dy (2) anëtarëve të Bordit të Radiotelevizionit të Kosovës, nga radhët e komuniteteve jo shumicë.
Ky është rendi i ditës:
- Deklarimet jashtë rendit të ditës,
- Pyetjet parlamentare,
- Interpelanca me ministrin e Ekonomisë dhe Ambientit, Blerim Kuçi, sipas kërkesës së deputetes Mimoza Kusari-Lila, e nënshkruar edhe nga nëntë (9) deputetë tjerë, në lidhje me dhënien e licencave afatgjate (40vjet) për prodhimin e energjisë elektrike ndërmarrjes “KELKOS ENERGY” sh.p.k për HC “Deçani” dhe HC “Belaja”,
- Shqyrtimi i parë i Projektligjit nr. 07/L-046 për ndryshimin dhe plotësimin e Ligjit nr. 05/L-015 për letërnjoftim,
- Shqyrtimi i Statutit të Universitetit të Shkencave të Aplikuara në Ferizaj,
- Shqyrtimi i Statutit të Universitetit “Isa Boletini” në Mitrovicë,
- Shqyrtimi i Statutit të Universitetit “Fehmi Agani” në Gjakovë,
- Shqyrtimi i Statutit të Universitetit “Kadri Zeka” në Gjilan,
- Shqyrtimi i Raportit vjetor të Zyrës së Rregullatorit për Energji, për vitin 2019,
- Shqyrtimi i Raportit vjetor të Autoritetit Rregullator të Komunikimeve Elektronike dhe Postare, për vitin 2019,
- Shqyrtimi i Raportit vjetor të Ndërmarrjes Publike Operatori i Sistemit, Transmisionit dhe Tregut, për vitin 2018,
- Shqyrtimi i Raportit vjetor të Ndërmarrjes Publike Operatori i Sistemit, Transmisionit dhe Tregut, për vitin 2019,
- Shqyrtimi i Raportit për gjendjen e mjedisit në Kosovë 2018 – 2019,
- Debat parlamentar për luftimin dhe parandalimin e dhunës në familje me rastin e fushatës senzibilizuese në kuadër të 16 ditëve të aktivizimit kundër dhunës në baza gjinore, sipas kërkesës së deputeteve Vlora Limani Hajnuni dhe Lirije Kajtazi, të mbështetura nga 8 deputetë tjerë,
- Emërimi i Kryesuesit dhe anëtarëve të Komisionit të Auditimit të NP KOSTT,
- Zgjedhja e Kryesuesit të Komisionit Shqyrtues në Autoritetin Rregullator për Shërbimet e Ujit,
- Zgjedhja e dy (2) anëtarëve të Bordit të Radiotelevizionit të Kosovës, nga radhët e komuniteteve jo shumicë.