Foto: Ilustrim
Bixhoz ilegal në Fushë Kosovë, ka të arrestuar
09.2.2022 - 10:38
Policia e Kosovës njofton se është arrestuar pronari i një lokali pasi gjatë bastisjes janë gjetur pajisje që shërbejnë për lojëra fati (bixhoz).
Sipas Policisë, brenda lokalit ishin katër persona duke luajtur bixhoz.
“Me vendim të prokurorit i dyshuari pas intervistimit është liruar në procedurë të rregullt”, thuhet në njoftim.
Policia njofton se janë konfiskuar pesë kompjuterë.
Rasti ka ndodhur gjatë ditës së djeshme në Fushë Kosovë.