Bie sinjali i VALA-s në Vushtrri
15.4.2021 - 14:15
Në pjesën më të madhe të qyetit të Vushtrrisë nga ora 09:35 ka rënë sinjali i telefonisë mobile dhe i internetit nga kompania VALA.
Kompania e telekomonikimit VALA, përmes një njoftimi në Facebook ka njoftuar se sinjali ka rënë si pasojë e një kompanie lokale e cila duke punuar në rrugë në hyrje të Vushtrrisë, ka shkëputur kabllin optik.
“Kjo papërgjegjesi e kompanisë në fjalë ka lënë pa rrjet të telefonisë mobile me mijëra konsumatorë në këtë rajon”, shkruan Vala.
Sipas njoftimit, ekipet e Telekomit të Kosovës kanë dalur në terren dhe brenda pak kohe do të rregullohet problemi.