ILUSTRIM - FOTO KALLXO: Punëtorët kosovarë

Bie nga skelet, lëndohet një punëtor në qytetin e Vitisë

Një punëtor ka rënë nga një ndërtesë në qytetin e Vitisë derisa ishte në vendin e punës.

Për rastin ka njoftuar Policia e Kosovës në raportin e saj 24 orësh.

Sipas Policisë së Kosovës, punëtori dyshohet se ka rënë aksidentalisht nga skelet prej një lartësie 3 deri në 4 metra.

Punëtori i lënduar tashmë është duke u trajtuar në Qendrën Klinike Spitalore të Kosovës.

Pas aksidentit në punë, në vendin e ngjarjes kanë dalë njësitë policore dhe Inspektori i Punës.

Ngjarja ka ndodhur të mërkurën rreth orës 09:30 në qytetin e Vitisë.