Besnik Mustafaj fiton çmimin letrar ‘Buzuku’

Shtëpia Botues “Buzuku” nga Prishtina ka ndarë sot çmimet e konkursit letar për romanin më të mirë.

Cermonia e çmimeve është mbajtur në Holet “Opera”, në 30 vjetorin e themelimit të SHB “Buzuku”.

Shkrimtari Besnik Mustafaj ka marrë çmimin e parë për romanin “366 rrëfenja për të ndjellur gjumin (Conarium)”.

Çmimi i dytë i konkursit të ‘Buzukut” iu  nda Shkelzen Marevcit për romanin “Terror e dashuri” dhe Biser Mehmetit për romanin “Lulja e hidhur”.

Kurse, çmimi i tretë iu nda shkrimtarëve:  Shqiponja Axhami-Trota për romanin “Fundi i Uskanës”, Nexhat Çoçaj për romanin “Të gjallë e të vdekur në një varr”, si dhe Jetlira B. Avdiaj për romanin “Bija e Antarktidës”.

Çmimi special i është ndarë Roland Gjoza për romanin “Naomi”.