Bekim Jashari lë politikën

Ish-kryetari i Skenderajt, Bekim Jashari,  ka bërë të ditur se po largohet nga politika.

Sipas tij, për marrjen e këtij vendimi ka disa arsye, duke theksuar se asnjëherë nuk ka pasur pretendime për të marrë pozita politike dhe asnjëherë nuk u ka ikur përgjegjësive për t’i shërbyer vendit.

Jashari shtoi se pasi i hyri garës për një mandat të dytë në Skenderaj nuk do të kishte besuar se individë të caktuar do të degradonin gjithçka me shpifje e shantazhe.

Tutje ai theksoi se në këto rrethana se si zhvillohet politika, si organizohen grupe të caktuara partiake dhe të interesit, duke përvetësuar çdo mjet propagandues, duke shkatërruar e manipuluar gjithçka për të arritur interesa grupore e individuale, prania në politikë, në këtë momentum të tillë nuk mund të vazhdojë.

Jashari bëri të ditur se opozitën në Skenderaj do të vazhdojnë ta bëjnë asamblistët e listës së pavarur “Ideal”, së bashku me ish-bartësin e listës, Nuredin Lushtaku.

Në vijim gjeni njoftimin e plotë të Bekim Jasharit: