Bekim Haxhiu - PDK
Bekim Haxhiu reagon pasi Arbërie Nagavci i drejtohet si ‘Kamishi’
13.7.2020 - 18:53
Nënkryetarja e Kuvendit, Arbërie Nagavci në seancën e sotme iu drejtua deputetit të PDK-së Bekim Haxhiu me nofkën “Kamishi”.
“Faleminderit zotëri Kamishi. Regjia deputeti Kamishi kundër replikë një minut”, tha ajo, pasi deputeti përfundoi fjalën në emër të grupit parlamentar në sencën e sotme të legjisativit për menaxhimin e pandemisë.
Kurse deputeti Haxhiu tha se për të në Kuvend është deputeti Haxhiu.
“E nderuar nënkryetare unë për ty jam Bekim Haxhiu edhe pse nofkën Kamishi e kam mbajt me respekt dhe e baj, e kam kriju me mund, me gjak edhe me djerë. Krenar për nofkën që kam mbajt gjatë luftës, por në parlament për juve jam zotni Bekim Haxhiu, deputet i Parlamentit të Republikës së Kosovës”, tha ai.