Foto: Urim Krasniqi/KALLXO.com
Bedri Hamza jep dorëheqje nga pozita e nënkryetarit të Kuvendit dhe e deputetit
01.11.2021 - 22:00
Fituesi i zgjedhjeve lokale në Mitrovicë të Jugut, Bedri Hamza, ka dhënë dorëheqje nga pozitat e tij në Kuvendin e Kosovës.
“Është e vërtetë që kam dhënë dorëheqje nga posti i deputetit dhe nënkryetarit të Kuvendit”, ka thënë ai për KALLXO.com.
Ai ka shtuar se është duke pritur që të marrë postin e kryetarit të Komunës.
Hamza ka qenë kandidat për kryetar komune nga radhët e Partisë Demokratike të Kosovës në zgjedhjet e 17 tetorit në Mitrovicën e Jugut.
Ai ka arritur të fitojë besimin e më shumë se 16 mijë qytetarëve duke fituar 53% të votave.
I njëjti ka lënë pas Agim Bahtirin nga Lëvizja Vetëvendosje dhe Armend Agollin nga Lidhja Demokratike e Kosovës.