BE e ndihmon Turqinë me rreth 1 miliard euro pas tërmetit

Komisioni Evropian do t’i japë Turqisë 1 miliard euro si ndihmë në “rindërtimin pas tërmetit” pas tërmeteve vdekjeprurëse që lanë të vrarë dhjetëra mijëra qytetarë në muajin shkurt, ka deklaruar presidentja e Komisionit Evropian të hënën Ursula von der Leyen.

“Askush nuk mund të mbushë boshllëkun e lënë nga ata që humbën jetën, por së bashku ne mund të rindërtojmë”, janë fjalët e von der Leyen përpara një konference të donatorëve në Bruksel.

Ajo bëri thirrje që “shtëpitë, shkollat dhe spitalet” të shkatërruara nga tërmetet të rindërtohen “me standardet më të larta të sigurisë sizmike”.

Më shumë se 50,000 njerëz vdiqën në Turqi dhe Siri pas një serie tërmetesh të fuqishme që goditën Turqinë juglindore në muajin shkurt. Tërmetet shkatërruan dhjetëra mijëra ndërtesa, duke ngritur pikëpyetje mbi standardet e ndërtimit në rajonin sizmik.

Pakoja e ndihmës së BE-së përfshin gjithashtu 108 milionë euro për ndihmën humanitare për Sirinë, ka thënë von der Leyen.

Presidenti turk Rexhep Tajip Erdogan ka deklaruar të hënën se kostoja e dëmeve të tërmeteve u vlerësua në rreth 97 miliardë euro./Politico.eu

Përgatiti: Nuhi Shala