Profesori i Kolegjit ISPE, Avni Mazrreku - Foto: KALLXO.com

Avni Mazrreku dyshohet se i shkoi në shtëpi drejtorit Gashi për procesin e akreditimit

Dje, ish-drejtori i kolegjit ISPE, Avni Mazrreku është arrestuar nga Policia e Kosovës me dyshimet për  kanosje ndaj një personi.

KALLXO.com ka marrë vesh se Mazrreku është arrestuar me dyshimin se ka kanosur drejtorin e Agjencisë së Akreditimit të Kosovës, Naim Gashin ndërsa veprimi lidhet me çështje të akreditimit të një programi për instuticionin ISPE.

Këtë e ka konfirmuar për KALLXO.com edhe avokati i angazhuar i Mazrrekut, Tahir Rrecaj, deri sa nuk ka pranuar të japë detaje.

“Jemi në fazën e hetimeve asnjë detaj nuk mundem me dhënë por dyshohet për një kanosje në lidhje me procesin e akreditimit ndaj Naim Gashit”, ka thënë Rrecaj.

KALLXO ka mësuar se Mazrreku dyshohet se përpos se e ka kanosur Gashin përmes mesazheve telefonike ka shkuar edhe në shtëpinë e Gashit ku poashtu pretendohet se e ka kanosur.

I pyetur për formën e kanosjes, avokati i Mazrrekut Rrecaj nuk ka pranuar që të japë informacione.

“Nuk mundem me dhënë asnjë detaj tjetër për shkak të fazës së hetimeve”, tha Rrecaj.

Ndërsa, as drejtori i AKA-së, Naim Gashi nuk ka pranuar që të flasë në lidhje me këtë çështje.

KALLXO.com dje raportoi se për arrestimin e Mazrrekut nga Policia e Kosovës.

Arrestohet Avni Mazrreku, dyshohet se kanosi një person

www.kallxo.com

Do NOT follow this link or you will be banned from the site!