Foto: ZKM
Avdullah Hoti i uron shërim Albin Kurtit
28.10.2020 - 12:05
Kryeministri i Kosovës, Avdullah Hoti, përmes një postimi në Facebook i ka uruar paraardhësit të tij, Albin Kurti, shërim të shpejtë nga virusi COVID-19.
Sot në mëngjes, Kurti bëri të ditur se ka rezultuar pozitiv pas disa simptomave të shfaqura ditëve të fundit.
“Kryetarit të Lëvizjes Vetëvendosje, Albin Kurti, i dëshiroj që ta kaloj sa më lehtë gjendjen shëndetësore me COVID-19. Zotit Kurti dhe të gjithë të prekurve tjerë i uroj që sa më lehtë t’i përballojnë simptomat dhe t’i kthehen angazhimeve të përditshme”, ka shkruar Avdullah Hoti.