Foto: Urim Krasniqi/KALLXO.com
“Arsyetohet” deputeti Ardian Kastrati për gjuhën fyese
Deputeti i PDK-së, Ardian Kastrati, është arsyetuar përmes një publikimi në Facebook, për gjuhën fyese që kishte bërë, duke aluduar në presidenten e Kosovës, Vjosa Osmanin.
Kastrati ka thënë se postimit që ka bërë “ku e citoj Faik Konicën iu paska dhanë drejtim i gabuar!”
Deputeti ka shkruar se nuk ka qenë duke e përcjellë seancën për zgjedhjen e presidentes.
“Sa e qela fcb po e shoh që më paskan gozhdu do analista e portale. Unë as që kam qene tu e pa seancën per zgjedhjen e presidentit kur e kam shkru atë postim. As që më ka shku mendja te Vjosa Osmani, as Adelina Grainca , as për asnjë të person të gjallë në këtë botë. …siç paskan aluduar disa. Askush nuk duhet të ndihet i ofenduar sepse postimi ska pas adresë politike e aq më pak seksiste”, ka shkruar mes tjerash ai.
Pas reagimeve që ka ngjallur postimi i tij, Ardian Kastrati e ka fshirë atë.
Drejtori i Organizatës për Rritjen e Cilësisë në Arsim (ORCA), Rron Gjinovci, ka bërë të ditur se nesër në ora 11:00 do të mbahet një protestë simbolike me kërkesën për përjashtimin nga stafi i Universitetit të Prishtinës të profesorit, njëherazi deputet i PDK-së, Ardian Kastrati.
Më poshtë e gjeni të plotë reagimin e Ardian Kastratit në Facebook (të paredaktuar):
Postimit qe kam bere ku e citoj Faik Konicen iu paska dhane drejtim i gabuar! Sa e qela fcb po e shoh qe me paskan gozhdu do analista e portale. Une as qe kam qene tu e pa seancen per zgjedhjen e presidentit kur e kam shkru ate postim. As qe me ka shku mendja te Vjosa Osmani, as Adelina Grainca , as per asnje te person te gjalle ne kete bote. …siç paskan aluduar disa. Askush nuk duhet te ndihet i ofenduar sepse postimi ska pas adrese politike e aq me pak seksiste. Me ngadal mos beni turr! Per ceshtje politike kur dua te reagoj i permendi me emer e mbiemer, qysh i kam permend gjithe!
Tani hapni syte ju qe paskeni marre turr dhe lexojeni shkrimin e Faik Konices me poshte, nga i cili kam nxjerre ate tekst fjale per fjale i cili ska te bej me politiken aktuale, por thjeshte eshte reference ne satiren e Konices.
A ma gjen dikush ne postimin tim qe kam permend Vjosa Osmanin apo kedo tjeter ?
Ja me poshte linku tekstit te Faik Konices:
https://www.radiandradi.com/abdullahu-yne-cbehet-satire…/
Naten e mire!