Arrestohet pjesëtari i FSK-së, rrahu gruan

Një pjesëtar i Forcës së Sigurisë së Kosovës po dyshohet se ka rrahur gruan e tij.

I njëjti është arrestuar dje nga Policia e Kosovës nën dyshimin se ka kryer veprën penale dhunë në familje.

I njëjti përveç se ka rrahur gruan, ka kanosur edhe zyrtarët policorë.

Viktimës i është ofruar trajtim mjekësor e pas intervistimit ka shkuar tek familja e vajzërisë.

Me vendim të prokurorit, i njëjti pas intervistimit është dërguar në mbajtje.

Ngjarja ka ndodhur në Drenas rreth orës 10:00.