Arrestohet për dhunë në familje, i sekuestrohet Kallashnikovi

Një burrë në Deçan është arrestuar nën dyshimin se ka kryer veprat penale “Dhunë në Familje” dhe “Mbajtje në pronësi, kontroll ose posedim të paautorizuar të armës”.

Drejtoria Rajonale e Policisë në Pejë njofton se dje kishte marrë informatën se në fshatin Isniq- Deçan ka një rast “Dhunë në Familje”, dhe ka shkuar në vendngjarje.

Sipas Policisë, i dyshuari është arrestuar, ndërsa nga ankuesit gjatë intervistimit është denoncuar se i dyshuari posedon armë në shtëpi.

Njësiti i hetimeve pranë Stacionit Policor në Deçan kanë shkuar në shtëpinë e të dyshuarit, aty gjatë bastisjes kanë gjetur dhe sekuestruar një arme automatike AK 47, një karikator të armës AK 47 dhe nëntë fishek të kalibrit 7.62 milimetra.

Personi i dyshuar me vendim të Prokurorit të shtetit është ndaluar për 48- orë, ka njoftuar Policia.