Arrestohet pasi në veturën i gjenden 20 rezultate të testit COVID-19
18.7.2020 - 14:57
Policia e Kosovës ka arrestuar një person në pikën kufitare të Hanit të Elezit pasi që gjatë kontrollimit të veturë së tij janë gjetur 20 rezultate të testeve të COVID-19.
Sipas Policisë këto kanë qenë teste të ndryshme për qytetarë të Republikës së Kosovës.
Rasti ka ndodhur pasditen e së premtes.
Policia ka njoftuar se njësitë përkatëse janë duke e hetuar rastin.
“Është arrestuar i dyshuari mashkull kosovar, pasi që gjatë kontrollimit të veturës së tij i janë gjetur 20 rezultate të testeve të Covid 19 për qytetarë të ndryshëm të R. Kosovës. I dyshuari së bashku ‘provat e testeve’ i është dorëzuar njësisë përkatëse policore për hetim të mëtutjeshëm”, thuhet në njoftimin e Policisë së Kosovës.