Ilustrim
Arrestohet një person për vjedhje dhe shitje të pajisjeve bujqësore
12.8.2022 - 13:09
Një person është arrestuar pasi dyshohet se ka vjedhur mjete bujqësore në një stallë në fshatin Lisockë, të Kamenicës.
Pronari i stallës kishte njoftuar Policinë e Kosovës më 2 gusht 2022, ndërsa më 11 gusht polica ka arrestuar të dyshuarin, i cili i kishte shitur pajisjet tek një person tjetër.
Dy të dyshuarit janë intervistuar në bazë të procedurave ligjore në prani të avokatëve.
Ndërsa, mjetet e vjedhura janë konfiskuar nga policia dhe i janë kthyer pronarit legjitim.
“Në lidhje me rastin është njoftuar Prokurori i Shtetit i cili ka urdhëruar që rasti me kallëzim penal të procedohet në procedurë të rregullt në Prokurorinë Themelore në Gjilan”, thuhet në njoftim.