Arrestohet një person në Lipjan, tentoi t'u japë ryshfet zyrtarëve policorë

Policia e Kosovës njofton se ka arrestuar një person për dhënie të ryshfetit në Lipjan, të martën më 17.09.2024.

Sipas Policisë, i arrestuari, me qëllim që të mos i shqiptohet një tiketë e trafikut për një kundërvajtje të kryer në trafik gjatë ngasjes së veturës, ka tentuar t’u jap ryshfet në vlerë 20 euro zyrtarëve policorë.

Me vendim të prokurorit kujdestar, i dyshuari është dërguar në mbajtje për 48 orë, thuhet në raportin 24- orësh të Policisë, më 18.09.2024.