Arrestohet një person në Fushë Kosovë, dyshohet për zjarrvënie

Policia e Kosovës ka njoftuar se ka arrestuar sot, më 08.11. 2024 një të dyshuar veprën zjarrvënie dhe kanosje në Fushë- Kosovë.

“Sot hetuesit e stacionit policor të Fushë Kosovës, kanë arrestuar një person të dyshuar për veprën zjarrvënie dhe dy kanosje të raportuara në Fushë Kosovë. Personi arrestuar I.T., mashkull, shtetas i Republikës së Kosovës, me vendim të prokurorit është dërguar në mbajtje” – ka thënë policia.

Polica thotë se po vazhdon punën në drejtim të garantimit të rendit dhe sigurisë publike si dhe goditjes së individëve dhe grupeve kriminale, me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale.