Arrestohet një person në Drenas, dyshohet se goditi qëllimshëm me veturë një person

Një person është arrestuar në Drenas i cili sipas Policisë së Kosovës, dyshohet se ka goditur qëllimisht me veturë një burrë të cilit i ka shkaktuar lëndime trupore.

Në raportin policor bëhet e ditur se, sipas viktimës incidenti ka ndodhur për shkak të disa mosmarrëveshjeve të mëparshme që kishte me të dyshuarin.

Viktima është dërguar për trajtim mjekësor, ndërsa i dyshuari pas intervistimit me vendim të prokurorit është dërguar në mbajtje.

Rasti është iniciuar si “Vrasje në tentativë”.