Foto: Kallxo.com
Arrestohet një i dyshuar për rastin ku u vra polici në Zhur
29.1.2020 - 00:43
Një person është arrestuar si i dyshuar për rastin e vrasjes së pjesëtarit të njësisë speciale të Policisë së Kosovës, Sami Thaqi, natën e së martës në Zhur të Prizrenit.
Dy pjesëtarë të tjerë të Policisë dhe një fëmijë kanë mbetur të lënduar nga ky incident që u shkaktua si pasojë e një shpërthimi në shtëpinë në të cilën Policia kishte shkuar për një bastisje.
Rastin e ka konfirmuar zëdhënësi i Policisë për rajonin e Prizrenit, Shaban Osmanollaj.
Ai ka thënë se i dyshuari është dërguar në mbajtje për 48 orë.