Arrestohet një grua në Prishtinë, dyshohet për shantazhimin e një burri

Një grua është arrestuar më 16.09.2024 nën dyshimin se ka shantazhuar një burrë.

Kështu ka njoftuar Policia e Kosovës në raportin 24 orësh të publikuar më 17.09.2024.

Siç thuhet në raport, e dyshuara më 04.04.2024 ka shantazhuar një burë se do t’i publikonte disa foto të tij.

Ky rast, sipas raportit të Policisë ka ndodhur në rrugën “UÇK” në ora 20:00.

“Përmes shantazhit e dyshuara ka arritur që të marr nga viktima një shumë të madhe parash” – thuhet në raportin e Policisë.

Me vendim të prokurorit e dyshuara është dërguar në mbajtje.