Ilustrim - Pika kufitare në Jarinjë Foto: KALLXO.com
Arrestohet nën dyshimet për dhënie të mitos në pikën kufitare në Jarinje
07.4.2022 - 09:09
Një burrë, shtetas i Serbisë, është arrestuar nga Policia e Kosovës pasi dyshohet se i kishte ofruar ryshfet një polici.
Në raportin 24 orësh është thënë se arrestimi ka ndodhur në pikën kufitare në Jarinje dje rreth orës 10:00.
“Është arrestuar i dyshuari mashkull shtetas i Serbisë, pasi që i njëjti gjatë kontrollimit, në mes të dokumenteve i ka vendosur dinar serb duke i ofruar ryshfet policit gjatë regjistrimit të udhëtarëve”, thuhet në njoftimin e Policisë.
Tutje është treguar se i dyshuari me vendim të prokurorit është liruar.