Arrestohet në Shkodër i dënuari me 15 vjet burg

Një 51 vjeçar është arrestuar nga Policia në Shkodër, pasi që i njëjti ishte shpallur në kërkim ndërkombëtar.

Policia e Shtetit ka njoftuar se i dyshuari është arrestuar me qëllim të ekstradimit drejt Italisë, pasi që i njëjti nga organet e drejtësisë në Itali është dënuar me 15 vjet burg për veprat penale “trafikim i narkotikëve”, dhe “organizatë kriminale”.

Arrestimi i të dyshuarit është bërë pas një operacionit nga policia në Shkodër në bashkëpunim me Interpol Tirana.

Ladio Braci, 51 vjeçar i lindur në Ballsh dhe banues në Shkodër, sipas Policisë së Shtetit ishte shpallur në kërkim ndërkombëtar, pasi Gjykata e Padovas, Itali, në vitin 2017 e ka dënuar me 15 vjet burg (nga të cilat i mbeten për të vuajtur edhe 12 vjet burg), për veprat penale “Trafik i narkotikëve” dhe “Organizatë kriminale”.

Sipas policisë ky shtetas, në bashkëpunim me persona të tjerë, ka trafikuar lëndë narkotike nga vende të tjera drejt Italisë.

Do NOT follow this link or you will be banned from the site!