Arrestohet në Prishtinë një shtetas i Arabisë Saudite, i kërkuar me urdhër-arrest ndërkombëtar

Policia  e Kosovës, gjegjësisht njësiti Fast Kosova, me mbështetje të zyrtarëve policorë të rendit publik të Prishtinës, sot, më 10.09.2024, pas një pune intensive në terren, kanë arritur të lokalizojnë dhe më pas të arrestojnë në Prishtinë një shtetas nga Arabia Saudite, i cili ishte i kërkuar me urdhër-arrest ndërkombëtar.

Personi i arrestuar, me inicialet M.Th.K., ishte i shpallur në kërkim ndërkombëtar nga autoritetet e Arabisë Saudite për përfshirje në veprimtari penale – mashtrime financiare.

Sipas njoftimit të Policisë së Kosovës, ndaj personit të arrestuar do të vazhdojnë procedurat e parapara për raste të tilla në koordinim me institucione të tjera, përfshirë organet e drejtësisë.